試過幾次中午行開佐敦逸東酒店，見他們那Yagura日本料理很多學生妹連家長捧場，無他，隔籬女子名校，香港女生又唔知點解好似只會食日本嘢咁，嚇得小弟不敢跟她們爭位。女侍應Janet話︰「唔好咁喇，改夜晚來，有不少OL捧場，而且我哋的伴酒小食很受歡迎。」她更說日籍大廚最近新創了味芝士燒豆腐，Janet自己都食過好幾次，叫我非食不可。「正常豆腐淡口無乜味，我哋正因為咁加添一點意式味道好送酒。」點加法？入口上面層皮像食Pizza一樣，確實比一口芝士或雞軟骨之類更突出更合伴酒，而且食晒件豆腐都不覺飽。
Yagura（27101010）
彌敦道380號逸東酒店地面下層