鄭伊健和周麗淇（Niki）昨日在上環出席野外定向召集活動，伊健和余文樂憑電影《第一誡》膺韓國富川電影節雙影帝，問到他心情如何時，他平淡地說：「都開心嘅，證明有人睇香港電影，仲要喺韓國，因為𠵱家韓國電影都好犀利，不過冇我覺得十年後再拍《風雲》咁開心。」
盼多陪女友
明天是Niki的29歲生日，伊健笑言要為她慶祝，記者指Niki有男朋友鄭嘉穎陪時，伊健扮儍笑說：「吓？係咩？佢男朋友唔係我咩？」記者即取笑他想搞三角戀，他搖頭說：「唔係，一個夠喇。」伊健又表示會留在香港至九月底才到日本繼續拍戲，他說：「真係要好好練番啲羽毛球。」似暗示要多陪女友蒙嘉慧。
此外，Niki談到野外定向時，表示自己是路癡，她說：「我揸車成日都迷路，好多時都要打畀朋友求救。」問她是否第一時間致電鄭嘉穎？她說：「梗係打畀我司機喇，佢乜嘢路都識嘛！」
採訪、攝影：胡比