關智斌（Kenny）、陳美詩（Macy）、張繼聰、方皓文和組合朱凌凌等，將於下月合作演出舞台劇《再見理想》，全劇會以Beyond的歌曲作串連。Macy、Kenny和張繼聰在劇中大搞三角戀，Kenny因而憶起被好友撬牆腳的傷心經歷。
初次參演舞台劇的關智斌在《再見理想》中大玩三角戀，原來他經歷過三角戀的傷痛。Kenny表示入行前與女朋友拍拖，出現了第三者，這次經歷令他體會到何謂心如刀割。
被好友撬牆腳
Kenny說：「嗰時拍拖feel到女朋友成日唔搵我，打畀佢又唔聽，我第六感覺得係有第三者。有一日我打畀我個男性好朋友，呢個男仔唔知我同邊個拍拖，點知喺電話中就聽到我女朋友把聲，最終我選擇退出。我真係好hurt，所以我發誓以後拍拖，唔會傷害任何一個人。」
Kenny笑言這次傷痛經歷，有助他演出舞台劇，不過他十分擔心自己的表現，他說：「原來做舞台劇又要記對白、記舞步、歌詞同走位，好彩其他歌手都有經驗提點我。」
方皓文大報復
於劇中與Kenny同陷三角戀的張繼聰笑說，如果現實中真的要與Kenny拗手瓜，他一定會輸，他說：「我從來都冇試過三角戀㗎，所以幾有難度，但係今次一班年輕人一齊做呢個劇，真係好開心。」
方皓文則投訴朱凌凌幾位成員經常戲弄她，幸好劇中她有機會掌摑其中一人作報復，她說：「有場戲我係要打朱凌凌其中一個，暫時賣個關子先。佢哋平時講嘢冇句真，我都唔知邊句真邊句假，佢哋又成日引我笑。」
採訪：李珮洳 攝影：仇志德
張繼聰髮型、化妝：JobbyofHairPeace
場地提供：帝樂文娜公館
