希臘超聯今季越搞越響，曾亮相歐洲賽嘅拿尼沙，就羅致咗33歲嘅前紐卡素翼鋒羅拔，簽約兩年，後者將與舊同袍蘇蘭奴再續前緣。如說韋利係意大利浪人，羅拔應該係首屈一指嘅法國浪人；事關呢位射門腳腳七注嘅球員，先後去過法國、西班牙、葡萄牙、英格蘭同美職聯打滾，飽歷風浪，幾乎橫越晒七大洲五大洋，呢啲寶貴經歷真係唔係人人有！