官恩娜（Ella）、古巨基和鄭融前晚到將軍澳電視廣播城錄影《勁歌金曲》，Ella上衫驟眼看似密實，但卻有不少大窿，不失性感本色。對於前緋聞男友吳卓羲傳與梁靖琪（Toby)拍拖，她說：「我經過報攤見到雜誌，唔關我事，唔講太多，好多中文字，太深睇唔明，總之唔關我事，我冇感覺，最緊要大家開心。」
基仔大讚劉翔
基仔將於下星期到日本拍MV，他計劃找個混血兒任女主角，暫未知有沒有親密戲，即使有也不會尷尬。對於有傳有唱片公司出高價斟劉翔出唱片，基仔說：「我都睇到網上報道，但我冇問過佢，目前佢最緊要係療傷。」若劉翔做歌手會否成為自己勁敵？基仔表示不知道，但他大讚對方唱歌好聽。
現年23歲的鄭融則透露病了三日，她說：「頭痛，16歲開始頭痛，食藥都唔得，前晚痛到要去急症室，可以話係急症室常客。」另外，Freeze原本打算以森巴女郎look出現，但無綫怕太性感被投訴，故要求她們以密實打扮現身。
採訪：王崇穎 攝影：陳俊強