楊愛瑾（Miki）近年主攻電影市場，Miki眼見昔日Cookies戰友紛紛出個人專輯，她非但沒有眼紅，還揚言與她們十分老友，且她已積極籌備新歌，所以慢她們幾步也沒有所謂，反而現階段她最想拍寫真留倩影，並笑言要邀請鹹濕男攝影師才會拍出美感。
近年主攻電影的楊愛瑾，雖然產量不多，但她每次演出的角色都甚有發揮機會，而昨日上映的驚慄新片《親愛的》Miki在戲內更會首度扮演鄰家少女，她笑言今次是她反璞歸真之作，因為她以往主演的角色多屬大膽及奸角，她說：「今次係新嘗試，我喺片中同曾愷玹係好朋友，初頭我聽過戲名以為係愛情片，但原來係一齣驚慄愛情片，仲要係拍攝前完全冇劇本，搞到我事前冇得準備，亦都唔知其他角色嘅發展，搞到自己好冇安全感，拍時要好憑直覺去做，都幾大挑戰。」
不眼紅好姊妹
雖然Miki也是Cookies出身，但她對比起其他三位成員鄧麗欣、傅穎和吳雨霏，就似乎起步較慢，三人都相繼推出個人專輯，但Miki就仍未有着落，不過她對公司相當有信心，更強調自己沒有眼紅三位好姊妹，她說：「我同佢哋都好friend，大家都有唔同類型，自己慢起步都冇所謂，大家性格風格都唔同，其實我有搵緊歌，自己都唔急出唱片，想多啲準備功夫先出碟，就算出都應該唔會係今年嘅事。」
盼顯性感一面
至於會否效法傅穎出碟時附送寫真集，Miki坦言十分喜歡影相，所以也很想拍寫真留倩影，就算要她着三點式也沒有所謂，不過當問到她怕不怕如傅穎般被人指身材突變，Miki反應頗大說：「我唔怕，我係真材實料，總之着三點式時要健康，唔好色情啦，而且我覺得影寫真一定要搵男攝影師，而且最好係鹹濕，因為咁先會影得美感一點，而且可以將我最sexy同吸引嘅一面表達出來，當然呢個人一定要我信任佢啦。」
採訪：駱華齡 攝影：陳俊強
髮型：VincePangofILColpo
場地提供：CliftonLeungDesignWorkshop