有份主持無綫節目《更上一層樓》的楊崢、李詩韻和張雪芹，昨日於尖沙嘴舉行記者會。楊崢為歡迎李詩韻加盟，特別送上三點式泳衣；李詩韻則送粉紅色枕頭回禮。
楊崢因為主持《更》而欣賞了很多豪宅，她說：「我同屋企人都有物業，多過一層，但唔係豪宅，可能賣晒就買到dreamhouse。以前諗過喺倫敦同巴黎買樓，當我有能力買嘅時候，佢哋樓價高咗，負擔唔到。」
另外，李詩韻希望將來有能力買樓，條件與男友鄧健泓的理想居所很接近，問她會否考慮一起置業？她說：「希望有我個名，出錢冇所謂。」但她表示未必接受男友送樓，她說：「樓唔可以隨便收，有好大承諾，佢都未買到畀自己，點會送畀我呢？」
採訪、攝影：RachelWong