北京奧運係中國人嘅大事，好多上市公司高層都親身飛去北京睇比賽。華華收到料，中信國際金融（183）董事總經理兼替任行政總裁陳許多琳都被邀請上京睇奧運比賽。陳太留咗差唔多成個禮拜，睇咗中國對古巴嗰場女排、女子體操，仲有捧咗羽毛球冠軍林丹嘅男子羽毛球賽。
請陳太去睇奧運比賽嘅係宏利金融（945），宏利係京奧贊助商之一，所以攞到比賽門券，益吓業務拍檔，所以請咗銀行保險拍檔中信嘉華銀行幾位高層。身兼中信嘉華嘅總裁兼行政總裁陳太，當然係被邀請對象。
華華奇怪，中信國金上個禮拜四公佈中期業績，咁大件事，佢哋竟然唔搞記招（舊年都有搞開㗎！）只出業績通告，究竟係陳太心繫京奧冇mood，抑或煩緊中信集團私有化中信國金，所以唔搞記招呢呵。