韓國女星全度妍噚日喺宣佈大肚消息後首度公開露面，宣傳新片《美好的一天》。佢着咗件中門大開嘅黑衫，遮掩已經懷孕4個月嘅肚，仲話憑《密陽》獲封康城影后之後，送上門嘅劇本冇預期咁多，而佢亦因為對自己講英語冇信心，所以推咗啲海外片約。同場出席嘅男主角河正佑為咗無緣喺片中拖妍姐嘅手仔而感可惜，佢出席記招前更獲委任為「第16屆春史電影節」嘅宣傳大使。