奧運終於完結，金牌嘅魅力，連師奶們追開嘅荷媽都要讓路。運動員比賽咁落力無非想奪金，金牌有幾重要？冠軍始終得一個，贏得冠軍一定係大師級人馬，絕無欺場。早前香港舉辦美國加州士多啤梨創意大賽，順利誕生金牌得主，今勻搵到冠亞軍大廚大展身手，有眼福又有口福！
記者：王震遠
攝影：陳陶鈞、楊錦文
鳴謝：美國加州士多啤梨協會
預約再入機場先有得食
由美國加州士多啤梨協會舉辦的「加州士多啤梨美食創意」，由本港兩大專業廚師協會代表作為評判，最後由富豪機場酒店廚師奪得西式熱盤烹調隊亞軍，而亞洲國際博覽館贏得冠軍，咁蹺冠亞軍都喺機場附近。比賽主要目的係推動用加州士多啤梨入饌，士多啤梨的好處是健康及營養充足，一份約8粒的士多啤梨維他命C含量比一個橙還高，而且含有可減低患心臟病的纖維。此外，加州士多啤梨亦比起日本或韓國進口的士多啤梨味道更鮮甜，色澤比較紅潤，較適合做凍飲。其收成期由4月至6月不等，由於有一半收成是於6月後收成的，現在正是當造期。
奪冠軍獎牌的菜式果然非常矜貴，想親身品嚐不是隨便Walk-in便可以。目前只有星期一至五午飯時間供應，所以為免失望而回，請先電話預約。不過以$138價錢，就可以品嚐冠軍菜式，真是相當超值。
焗鱈魚配士多啤梨節梨醬&
煙鱈魚士多啤梨薯仔餅$138/a（須預約）
先將銀鱈魚加少少鹽和黑椒去焗，非常夠味，再加黃波椒同大八爪魚墊底，上面添上師傅炮製節梨醬。焗銀鱈魚有少少鹹味，更帶出魚的鮮味，配搭少少酸辣味節梨醬，一濃一淡味道好Match。薯仔餅以大蒜絲加芹菜頭做底，配搭一流，而且薯仔餅中混入了士多啤梨粒，帶有少少甜味很有層次感。
士多啤梨三重奏$48/a（須預約）
先以麥酥做底，中間放入吉士忌廉、甜酒及士多啤梨，面頭再加焦點圈作裝飾。另外再有先用酒浸過的士多啤梨天婦羅，及蜜糖塊墊底。麥酥入口脆心，連吉士忌廉和士多啤梨食感覺更滑，天婦羅內腍外脆，感覺十分特別。
鴛鴦銀鱈魚配士多啤梨汁$128/b
銀鱈魚肉清蒸，腍得來保持鮮味，另一塊鱈魚則採用榛子碎包住，再原件放入爐焗，味道濃郁，榛子碎有咬口。
士多啤梨椰子奶凍$88/b
師傅先將士多啤梨切片雪凍再攪爛，混入椰奶煮溶加入忌廉和士多啤梨，再加餅底墊底放入冰櫃一個鐘。椰子香味撲鼻，入口香滑，配士多啤梨味道很夾，奶凍凍食非常清爽；甜味春卷亦相當吸引，改用果仁、吉士忌廉和士多啤梨作餡料，用春卷皮捲好再炸。士多啤梨肉依然沒有變腍，入口感覺春卷皮脆而餡料甜蜜，感覺非常特別。
a：CafeRitazza（36068880）
赤鱲角亞洲國際博覽館1樓
b：藝廊咖啡室（22866238）
國際機場暢達路9號富豪機場酒店地下