賭王何鴻燊四房千金何超盈（Sabrina）今個暑期回港風頭勁，被唐貝詩踢爆力追何超盈的「薄唇版張震」Harris，原來是Moiselle太子爺、慕詩國際主席陳欽杰的20歲二子陳柏熹，Harris現時在英國攻讀時裝管理，近水樓台，相信追到賭王千金機會大增。
賭王何鴻燊和四姨太梁安琪的長女何超盈，今個暑期回港做暑期工，緋聞未停過，身邊男伴如車輪轉。何超盈先被拍到一拖五在澳門看英超球隊車路士作賽，當中與「翻版李準基」Edwin最親密，之後又蹺實「薄唇版張震」Harris出席海外學生仁濟Ball，不知孰真孰假，其後，唐貝詩踢爆Harris才是真命天子，力追何超盈。
父讚兒子好乖
有膽追賭王千金，原來Harris都有來頭，這位薄唇版張震原來是Moiselle太子爺陳柏熹，他是上市公司慕詩國際主席陳欽杰（Boby）的二子，現年20歲，正在英國LondonCollegeofFashion攻讀時裝管理課程，難怪一向穿開Gucci、用開Herm囗s手袋的何超盈，早前也穿上Moiselle裙去Ball。
陳欽杰昨日接受電話訪問，對兒子緋聞一事說：「Harris係我二仔，喺英國讀書，放暑假返嚟啫，都有幫吓手。」有指兒子力追賭王千金Sabrina，他說：「冇乜留意喎，都係啲朋友仔一齊玩啫。」兒子被指貌似張震，陳欽杰就笑說：「冇乜留意喎，不過佢都好乖好聽話。」他指兒子對時裝有興趣，至於將來會否隨父母入行，則有待他自己決定。其實，Harris早在05年已參與Moiselle工作。
走高級OL路線
Moiselle是陳欽杰和太太徐巧嬌的自創品牌，採用歐洲用料，走高級OL時裝路線，在中港台三地都有分店，最為人熟識是品牌愛用TVB花旦任代言人，如蔡少芬和黎姿等。除了時裝生意外，兩夫妻都有投資房產，月前剛以7,900萬元售出地利根德閣單位，勁賺4,580萬。
採訪：DebbieLum
