大家唔好以為日聯呢個聯賽，多數係由㗎仔角逐所以水準較差，其實都未必。事關以前效力東京綠茵嘅巴西前鋒侯克，今季過檔葡超波圖之後即有建樹；佢喺聯賽首戰幫波圖埋齋以2:0擊敗比蘭倫斯，證明有能力喺歐洲聯賽立足。大家再睇吓由浦和紅鑽轉投巴甲富明尼斯嘅華盛頓，呢排成日聽到佢連中三元，就知日聯呢個聯賽有啲水準啦。