方力申、鄭裕玲（嘟嘟）、吳君如與陳可辛夫婦昨日由北京回港，小方前晚在北京主持無綫奧運節目時，見他一直用手按着腹部，昨日他解釋說：「我肚痛呀，其中一part唔見咗我，其實我去咗廁所！嘟姐仲笑我，話做咁耐主持，未見過做直播時有主持走咗去。今次我主要幫無綫做採訪，但諗唔到有一個認識我嘅運動員拒絕我嘅訪問，對我嚟講係幾大打擊。」小方拒絕透露這位內地游水選手是誰。
嘟嘟難忘費斯
嘟嘟昨日回來仍然穿着奧運風褸，她說：「今次我都忍唔住買咗唔少奧運紀念品返嚟。呢次最難忘係睇到兩場費斯嘅比賽。」問到無綫的奧運主持受到不少批評，她說：「大大小小錯係有啲，確係有進步空間，我哋都有接受意見，逐步去改善。」
採訪、攝影：張俊銘