本地設計近年越殺越勇，當中有女裝先由舖仔變OL新貴的initial，可惜本地時裝界在男裝方面一直未有代表作蒲頭。今季終於有點睇頭，在近幾季動作多多、力爭上hi-end界別的Bauhaus又有新作，以黑白做主打的PrivateLabel「Twistedmind」在秋冬季搶灘，打正旗號要分本地男裝這塊餅。同樣在今個秋天發功出新碟博上位的新人周柏豪，一遇這塊本地薑，惺惺相惜，無他嘅，目標一致吖嘛！
記者：葉雪芯
攝影：陳盛臣
男裝：褸款Layering
俗語話：「薑係越老越辣。」但原來新薑都夠晒辣，仲要係本地薑。說的是Bauhaus最新PrivateLabel「Twistedmind」，睇準本地男裝市場開發，在今個秋季發力推出新系列。以黑白兩色為主，主力玩details。話明要力爭上游，新搞作當然做晒research，明知本地男深受日本男潮文化影響，Twistedmind風格亦偏向日系街頭路線，不再以streetfashion擔大旗，而改玩casualchic。趨向just-fit的細身剪裁，褲款方面亦多玩slimcut和特別的coating處理，例如在白色褲身上掃上一層銀色，或以metallic的紅銅點綴黑色褲管，低調中見型格。外套是系列的點題作，褸款比較多layering，部份更以今季的軍褸款式行頭，doublelayer的設計層次感突出。
女裝：Tunic搶地盤
何謂有野心？首次上場唔止推男裝，就連女裝都來個小試牛刀。Twistedmind的女裝不算多款，以針織和photoprintTee為主，配合Tunic熱潮的擴張，今季的Tee及衞衣外套的腰間位都會比一般長，配襯恤衫外套時，可輕鬆地營造層次感。至於圖案方面，用相片做Print的概念則與男裝一樣。
周柏豪：本地薑唔輸蝕
今次合作Twistedmind對於周柏豪特別有親切感：「黑白兩色係我最愛的顏色，一來易襯，二來同我個人一樣，愛惡分明。」與第一隻個人大碟足足距離了一年才再出新碟，對於注重details的周柏豪來講叫做慢工出細貨，至於時裝，他同樣着重細節。未入行就做Model，着慣hi-end時裝的他指：「比得上歐美牌，好details，尤其係褸款，以今季大熱的軍褸款式做設計，又易襯，而且slimcut剪裁好fit香港男仔的身形。就好似我咁，本身比較瘦削，但衫身的layering做得非常好，令整個人的bodyshape更突出，估唔到本地設計都可以做得咁有心思。」
Bauhaus（28916811）
銅鑼灣耀華街2號地下至3樓