近期於螢幕上演奸角令觀眾非常肉緊的米雪，昨日到新城接受薛家燕訪問，節目中兩人大談昔日拍戲趣事及健美扮靚心得，米雪透露家燕姐一早誠邀她接受訪問，故今次藉返港休息空閒與朋友敍舊傾談。近日米雪忙於內地拍劇，得知《溏心風暴之家好月圓》反應理想，連觀眾都不希望見到她演奸角，米雪說：「平時唔可以對家人、男友、朋友咁衰，所以有得演都幾好玩，以前我都有留意《真情》馬蹄露奸得嚟又抵死嘅角色。」
「結婚實公開」
談及男友尹志強近況，她表示男友身體好好，有傳兩人於9月2日米雪生日拉埋天窗，米雪聞言笑說：「唔係，暫時未有打算，我結婚實公開，唔似劉嘉玲去不丹，我會去『牡丹樓』擺幾圍，即係麥當勞，到時實通知大家！」
採訪、攝影：馬建華