7年前嘅9月11號，華華喺電視見到有架客機撞落紐約世貿中心，今年嘅911，華華會做乜？希望見到郭老太同郭氏兄弟！
噚日新地（016）發通告，擇咗9月11號星期四舉行全年業績記者會，咁多日子可以揀，偏偏選中911，可見新地百無禁忌。
郭氏三兄弟今年初內訌，前主席郭炳湘被貶為非執行董事，仲要勞動郭老太鄺肖卿出掌主席職位，平息紛爭。
期待郭老太主持
今年3月新地中期業績記者會，郭氏三兄弟仲破天荒noshow，缺席業績記者會，嚟緊呢次嘅全年業績會，華華相信家陣做咗非執董嘅炳湘應該唔會現身，但細佬炳江同炳聯會唔會出席就仲未知，不過華華最期待嘅係，見到郭老太主持業績會囉。