寇鴻萍的20歲長女唐貝詩，近年成為香港社交圈風頭躉，之前盛傳她的男友Eric，中文名為孔樂勤，據悉唐貝詩近日另有裙下之臣，此人正是毛玉萍的22歲兒子EricYu，網上更有兩人親密攬肩照，不過寇鴻萍對女兒新密友表示不知情。
在英國求學的一班名人第二代，近期密密傳出戀情，賭王何鴻燊四房千金何超盈被Moiselle太子陳柏熹力追，超盈的好姊妹、寇鴻萍的20歲長女唐貝詩也有新戀情。有消息指唐貝詩近期和富家子EricYu拍拖，更在Facebook上大晒兩人親密照，而EricYu就是前上海首富周正毅妻子毛玉萍與前夫所生的兒子。
撻着兩個月
現年22歲的EricYu，據知剛在LondonUniversity畢業回港，今個暑期在香港時力追唐貝詩，每逢唐貝詩母親寇鴻萍有份投資的酒吧Fevar舉行活動，EricYu都會偕朋友去到捧場，有指最終兩人成功撻着，拍拖兩個月。
在Facebook的照片中，Eric親暱地攬實唐貝詩，更將下巴放在女方的肩上。唐貝詩和家人正身在泰國度假，昨日寇鴻萍接受電話訪問時，謂不知女兒蜜運，她說：「吓，係咪㗎？佢冇講畀我聽喎，我諗都係朋友啫，個女成日都好多朋友一齊玩，十幾個，有啲美國、有啲英國、有啲models，佢每次都有介紹畀我識，但冇聽過佢拍拖喎。」
寇鴻萍表示也認識EricYu和其母毛玉萍，她說：「以前ball場識得（毛玉萍），呢排都有食過飯，佢好nice。」
問會否反對女兒拍拖？寇鴻萍說：「都唔會，佢都20歲囉，可以識多啲朋友，啱咪去吓街、約會吓囉，佢識分時間讀書㗎喇。」
母子感情好
EricYu是毛玉萍86年在內地和俞姓前夫所生的兒子，毛玉萍在上海發迹，之後與周正毅以上海首富姿態在香港出現，Eric則在英國升學。不過，兩母子感情非常好，05年底毛玉萍被控詐騙銀行案時，Eric為母親撰求情信，更指毛玉萍是最勤勞的媽媽，對兒子無條件付出和照顧。06年1月判刑當日，他又到庭支持母親，隔着犯人欄兩母子握手，場面感人。原定今年11月才刑滿的毛玉萍，近月獲准假釋出獄工作，Eric都多次接送她上下班。
採訪：DebbieLum
有關名人名模秘聞，歡迎讀者報料，請電郵至：mailto:[email protected]