陳奕迅（Eason）昨日在銅鑼灣為新推出的新曲加精選舉行簽名會，Eason加盟新藝寶四年，首次推出精選碟，由於不想草草了事，故找來老友黃偉文幫手構思大碟封面，他說：「呢隻碟係我入呢間公司嘅紀錄，碟入邊有我喺英國讀書嘅生活照同畢業相。」
避談買新屋
最近Eason新聞多多，在台灣宣傳時被指與艷女過夜，老婆徐濠縈則被拍得逛家具店，似為新屋裝修作準備，Eason逐一解釋說：「艷女係我台灣公司嘅同事，我只係擔心本雜誌銷量會跌咋，位同事係咪艷女真係各花入各眼。」對於是否買獨立屋做新居？他說：「唔答得唔得。」他只表示間中也會看樓盤和逛家具店，他說：「只係希望大家唔好影響到我個女，因為個女都越來越大，都有唔少人跟佢返學，我怕影響到其他家長，請大家高抬貴手。」
採訪：胡比
攝影：陳志嵐