球員兼領隊大家都見得多，體育總監都落埋場踢波，好少聽喇啩？前荷蘭國腳奧華馬斯𠵱家係荷乙球隊前進飛鷹嘅體育總監兼球員，35歲嘅佢早排話隊波唔掂，要親自落場。奧華馬斯曾經幫球隊上陣過60分鐘，成為歷史上首位出場嘅體育總監兼球員，認真威威。仲有呀，原本前進飛鷹排緊榜尾㗎，家陣上番第17位，「小飛俠」果然有料到。