港股一係唔升，一升就712點，期指更升809點，大戶趁勢挾淡倉唔使講，但後日期指結算，如果單係挾倉，尾市應該回番啲，而唔係繼續挾上，睇個勢，好友好似想在結算前收復部份失地，淡友之前head住咁多，上周四恒指插低539點，但係恒指同H指當日嘅期貨合約都不增反減，已經有啲唔妥，港股睇嚟仲要升。
中交建C輪14001：中交建（1800）昨收13.20元，升4.7巴仙，下一站睇14.20元，可以諗吓隻C輪14001，昨收10仙，槓桿13.2倍（有效槓桿5.1倍），正股升上14.20元，14001可見14.3仙樓上，正股跌穿12.60元就沽咗隻輪止蝕。