容祖兒、謝霆鋒、劉德華、周華健和成龍等，昨日在鳥巢為京奧閉幕式綵排，他們會聯同56位民族歌手合唱，祖兒自言能參演奧運開幕式和閉幕式，感到十分榮幸，她在綵排時說：「𠵱家心情真係好興奮，不過奧運就快完，心情有啲失落，因為呢十幾日每日都有奧運賽事睇，完咗唔知點算。」
霆鋒讚成功
霆鋒則指今屆北京奧運十分成功，而且中國在金牌榜居首位，認真可喜可賀，他說：「今屆中國運動員多年嚟嘅艱苦並冇白費，因為從佢哋嘅精采表現，就知道佢哋訓練過程有幾辛苦，希望四年後我哋國家嘅運動員，可以喺倫敦奧運會再為國家增光。」
此外，周華健昨日綵排時表示心情很緊張，他說：「能夠參加開幕同閉幕式，真係好榮幸，都可以話冇遺憾啦！」