AC米蘭真係季前賽最大衰波，前日友賽西班牙球會希杭，明明強陣竟然都輸0:2。究竟有冇人知希杭呢隊係咩波？查實希杭係上季西乙季軍，今年就會升上西甲同皇馬等勁旅同場較量。AC衰到咁，第2日就傳出落實由阿仙奴借得瑞士中堅辛德路斯。呢位仁兄擺明係阿仙奴剩餘物資，AC又一次人棄我取，唔通因為輸咗場肉酸波，班高層儍咗？