上周五香港掛九號波股民唞咗一日，今日再戰江湖，大家都會有啲憧憬，因為當晚花旗股市大升近200點收市，斷估今朝港股起碼都會挾吓淡倉。
港股上周下試低位，但係承接力唔算太曳，如果A股生生性性，恒指今次反彈好有機會上試10日線。油價同美元係左右花旗股市嘅主要因素，大家要昅實。
中石化C輪9851：中石化（386）現價報7.59元，趁住上周五油價急回，短期有機會炒番上8元樓上，升破8元睇8.50元，可以買啲C輪9851博吓，隻輪現價14仙，有效槓桿3.6倍，正股升上8.50元，9851可見20.5仙，正股跌穿7.20元就沽咗隻輪止蝕。