京奧繼有選手掟牌後，上周六再發生起腳踢裁判事件。話說80公斤以上跆拳道銅牌戰，古巴選手馬杜斯（ValodiaMatos）受傷接受治療，點知瑞典裁判卓巴特話過咗一分鐘治療時間，於是判對手贏！馬杜斯即時手指指抗議，不過見對方囂張兼扮盲，竟然施左腳踢中卓巴特塊面，當堂留牙血。結果馬杜斯同教練齊齊被判終身停賽，咁衝動為咩呢？