阿根廷球王馬勒當拿（老馬）呢期威到震，難免想有人能夠繼承自己嘅偉業。咁啱未來女婿阿古路又整大馬女個肚，於是老馬話希望呢個係孫仔嚟。老馬話自己生兩個都係女，搞到馬家球技有失傳危機，如果有孫仔就可以繼承衣鉢咁話。本判官就覺得老馬咁講唔係幾啱，因為大家都知佢喺意大利有個私生子，唔通波踢得渣就唔認係你個種咩？小心行雷啊！