今屆奧運有唔少王子公主參加，好似前日嘅跆拳道女子67公斤以下級賽事，就有阿聯酋公主梅薩（SheikhaMaitha）登場。可惜佢嘅對手係兩屆世錦賽冠軍、南韓嘅黃敬善，梅薩公主以1:5不敵黃敬善之餘，仲被後者一腳踢中個頭！不過，28歲嘅梅薩公主賽後仍然好有體育精神咁話：「嗰腳我食得好應，不過我一啲都唔介意，因為參加奧運一向係我嘅夢想。」