𠵱家兩大連鎖超巿啲嘢一啲都唔平，早前網上超巿Dmart殺入巿場，壓縮租金等成本同利潤，啲貨平過連鎖超巿高達兩成，仲係買得多，平得多，小妹當然即參加做會員享折扣優惠。間網上超巿又好鬼死體貼，成日send啲最新減價嘅產品資料畀會員選擇。
噚日小妹又收到Dmart好多減價貨品，好似勁hit嘅辛辣杯麵（70g），一箱24包賣120蚊，平均每杯賣5蚊，比超巿平15%；源膳莊魚鬆XO醬（200克），售60蚊，比超巿平8蚊。Dmart仲搜羅一啲特別貨品，好似一款德國嘅TaffyApplesCider（500毫升），每支41.1元，比其他地方賣50蚊，平咗成17.8%。
優惠至月尾
小妹見到咁多優惠，咪打電話畀Dmart老闆Jones吹吓水。佢話𠵱家通脹越嚟越嚴重，香港人買嘢都好精打細算，所以搵多啲平嘢畀會員選擇，一有平嘢即刻email畀啲會員。佢仲話，最熱賣嘅貨品係食米，如果啲會員親自嚟新蒲崗貨倉攞米，金象、金香、袋鼠牌同頂上泰國香米8公斤裝，以成本價86蚊發售。優惠期到8月31日止。86蚊一包米又幾抵喎，即刻call男友揸部車去貨倉買番幾包米先。Dmart網址： http://www.dmart.com.hk。
電郵：mailto:[email protected]
逢周六、周日刊出