我判官就一直覺得舉重金牌得主、僅17歲的湖南美少年龍清泉呢個名好有詩意，估唔到有人真係諗住搵嚟做生意。南京就有一個市民諗住註冊「龍清泉」呢個名成為一個中國白酒或者蒸餾水品牌，認真有諗頭喎！不過呢個市民嘅如意算盤恐怕就打唔響嘞，因為國家商標總局一般都唔會批准用名人嘅名嚟註冊。或者咁，調轉做「泉清龍」，好似仲威猛，得唔得呢？