熱烘烘的奧運曲終人散，運動員同觀眾心情一樣，有喜悅、也有失落。體育活動同股市本不應有大關連，但過去兩個星期來，中港股市亦巧合地連續「表演」了多項高台插水，奧運開咁耐，中港股市大勢就跌咁耐。
以港股為例，恒指就由8月7日（奧運開幕前夕）的22104跌到上周四收市的20392，大跌超過1700點，跌幅7.7%，更跌破3月18日的低位20572，氣氛同走勢都極差，淡友繼續主導大市，短期20000點已幾乎觸指可及，下一個目標係18000點。
上周三，有傳聞話中央救市嘅「晒士」達4000億元，令中港股市大幅反彈，但升勢只維持一日，又再跌過。其實，有眼睇嘅，中央近日已一路推出政策救市，而原本預期在奧運後才重開的多個經濟小組會議，亦已提前開工，可見中央對大跌市所引起的民憤，亦不敢掉以輕心。奧運閉幕後，中央可集中力度，重建股民信心，而一連串的救市政策，亦會陸續出台。在人人睇淡情況下，中港股市會否出現戲劇性的撐竿跳呢？
大行多看好
中央放寬宏調，房地產業會率先受惠，近日內房股走勢已明顯轉強，似有見底之兆。事實上，內房股由高位下跌頗多，幅度由5成到8成不等，若確認止跌回升，短期升幅會好可觀。
去年11月，富力地產（2777）高價45元，近日低見11.62元，跌幅74%，上周三由低位反彈，上周四曾升上13.92元，但受大市跌勢拖累而回收12.90元，現時走勢轉穩，短期若能升破10日線（12.99元），則MACD就會出現熊牛入貨訊號，初步上升目標指向16元水平。
富力08年（12月年結）中期核心盈利倒退17%，股價已作反映，亦已到了吸引水平，多家大行研究報告亦看好其前景，目標價雖有調低，但仍有頗大上升空間。
大摩對富力評級維持「跑贏大市」，目標價由24.50元下調到19元；花旗維持「買入」評級，目標價23.64元；大和總研最樂觀，評級「買入」，目標價26.20元。