孩子夜半驚醒，嚎哭大叫撕心裂肺，雙眼失焦，出現幻覺，未必是發噩夢或「撞鬼」。精神科醫生解釋，兒童腦部未完全發育，容易患上「睡驚症」，身體清醒，但意識不醒，一般會在青少年期自行痊癒，父母毋須過份憂慮，平日注意讓小朋友有足夠休息，避免給他們太大壓力，玩樂時間適可而止，可減低發病風險。 記者：張嘉雯
精神科專科醫生方日旭解釋，平日發噩夢多在睡眠的後半、近天亮時，通常睡醒時才會嚇得大叫，而且會記得夢境；睡驚症在非發夢期時發作，通常在入睡後首三分一段，而且對事發經過完全失憶，「啲人發完噩夢會記得，但佢哋就唔會記得，同埋發噩夢你拍吓佢就醒，但呢種病嗌極都唔醒，就算擘咗大眼，都唔知自己喺邊。」
因腦部發育未完全
睡驚症（NightTerror）多出現在兒童身上，因為兒童腦部發育未完全。病發時，患者會受驚狂叫、心跳加速、瞳孔放大，即使張開眼，其實仍在睡夢中，「好似醒咗但醒唔晒，身體醒但係意識唔醒。」此病多出現於五至七歲，並有遺傳傾向，若家族內有患者，患病的風險就會增加，男女比例相若。每100名兒童有3人病發，成年人則少於1%，患者同時較易有夢遊。
方日旭的女兒在兩、三歲時也曾受睡驚症困擾，「嗰時佢得兩歲，試過同佢去酒樓，佢瞓瞓吓醒咗，係咁喊，嗌極佢都唔應，唔認得我哋，對眼無晒焦點，係咁要搵爸爸媽媽，過咗15分鐘至定番。」他說自己當時也嚇了一跳。
發燒、過度疲勞及壓力大均會令病發風險增加，「如果之前嗰晚好唔夠瞓，第二晚瞓覺嘅時候，深層睡眠嘅時期就會長咗，就大啲機會發作，如果小朋友日頭玩得太緊要，都會容易啲出現。」
青少年期自行痊癒
方日旭指，醫生會採用睡眠中斷法幫助小朋友，一般不會用藥，但亦會在適當時候處方長效安眠藥或者舊抗抑鬱藥。若情況嚴重，發作次數太頻密，才須要接受睡眠及腦電圖檢查，了解會否患上癲癇等病症，「密嘅意思係每個禮拜都有一、兩次，一個月一、兩次都正常。」
他提醒家長，隨子女年紀漸長，睡驚症發作的次數會越來越少，一般會在青少年期自行痊癒，只要不影響孩子日間的集中力，父母毋須過份擔心；若子女患病，應把家中的利器收起，桌椅的尖角要包好，發病時不要太大力捉緊小朋友，「唔好話箍住佢、㩒住佢，如果佢掙扎就好容易傷到佢。」
睡驚症與發噩夢的分別
睡驚症
較罕見
發生在非發夢期
入睡後首三分一段發病
患者會受驚狂叫、心跳加速、瞳孔放大
清醒後忘記事發經過
難以被弄醒，即使醒來也意識模糊
家長應注意讓子女有足夠休息時間
噩夢
較常見
發生在發夢期
入睡後半段、近天亮時發作
清醒後才會大叫
可以清楚記得夢境
可以輕易醒來
留意子女平日是否壓力過大、受虐
資料來源：精神科專科醫生方日旭