世界科技日新月異，另類療法亦越嚟越流行，好似啱啱喺前晚，以破奧運紀錄5米96勝出男子撐竿跳項目嘅澳洲選手賀加（SteveHooker），就憑催眠治療法攞咗呢面奧運金牌。據賀加講，喺2001年佢突然對撐竿跳產生恐懼，每每助跑之後都唔敢起跳，仲諗過放棄呢項運動㖭！好彩26歲嘅佢最終決定嘗試催眠治療法，驅走心魔，終於都成功啦。