跳水選手周呂鑫前日喺男子10米高台唔可以為中國完成8金嘅成績，佢仲話驚到唔敢同教練見面。同樣為中國感到可惜嘅仲有胡佳，佢喺電視機旁邊睇晒全場賽事，覺得周呂鑫呢個啱啱20歲嘅小將都係經驗唔夠，仲自動請纓希望出山為中國喺2012年倫敦奧運拎番呢面金牌。話晒佢04年雅典奧運嗰陣都可以輕鬆拎到金牌，4年後佢都仲係29歲啫，中國可以諗諗佢喎！