來自新加坡的姚瑩瑩在香港工作一段時間，每發鄉愁，就會到一家叫巴沙的星洲餐廳找斑蘭蛋糕吃，有時賣光，就以喇沙、海南雞飯頂上。而其實Wendi原來擅做喇沙、蝦湯麵、黑白蘿蔔糕、黑胡椒炒蟹等等星洲家常菜，以她的手藝，估不到她是半途出家，原本是個十指不沾陽春水的美女。
記者：張一豪
攝影：梁細權
喇沙放通菜至正宗
跟Wendi張麗明講家鄉新加坡美食，頭頭是道，「喇沙其實係印尼話，即係粉麵，本來係以濃椰汁及香料做嘅細碗麵，好膩，食唔得多，馬來西亞嗰邊近十年都越來越少人做，𠵱家反而喺新加坡發揚光大，有人喺香港做喇沙，會落咖喱，嚴格來講係咖喱麵唔係喇沙，新加坡流行嘅喇沙，係用蝦米碎、亁葱、蝦膏及多種香料炒製而成，做了一個湯膽開水，再放粉麵，食時落蝦、魚片及螄蚶等。我哋仲有個蝦湯麵，每日用大煲約20公升水，再用十斤蝦連殼，加大量豬骨熬製，湯底鮮味，呢個麵要放通菜至知做得正唔正宗，唔係好多地方食得到。」的確，自從吃過這兩碗麵之後，我跟鄭伊健、AmandaS.、蔡和平、林海峰等人一樣成為Wendi的Fans。
走過鬼門關再出發
Wendi強調自己的出品真材實料，絕對無添加，而她自己亦好像加了防腐劑一樣，看上去絕不像四十有二的老闆娘，更是一個7歲及一個剛出生孩子的媽媽。以Wendi的美貌，曾有機會做明星，23歲由星洲來港，之前在星洲做過6年髮型師，也有自己的髮廊，來港後因美貌被星探發掘，拍過郭富城的MV，也當過廣告女主角。由23到32歲，十年間在前男友支持下，日日以買名牌手袋衣物過活，其間在香港也學會食蘇眉、魚翅，大魚大肉，好不風光。但十年光陰換得分手收場，愛情重傷仰藥輕生，昏迷三日三夜走過鬼門關，驚覺過去30年白活。之後洗盡鉛華，認識現在的美籍華僑丈夫結婚生子，35歲為相夫教子走入廚房，學會燒出一手好的星洲菜。
廚房中重生
04年與朋友合資在上環開星洲菜館，由全無經驗的「靚太」變成全城至靚後鑊，動力來自在港落地生根，「喺香港，好難搵到一間鍾意嘅新加坡餐廳，喺屋企做一碗喇沙其實好麻煩，如果自己開店，想食就幾時都有，亦可以同人分享。」當年的任性化為今日入廚之火，唔好煮到好，憑廚藝給自己建立自信，後來便自立門戶，在灣仔開了第一間巴沙。當時開了3個月，就因為口味正宗而引來大批傳媒報道，連原本是新加坡人的蔡瀾都在讚賞。
蝦湯麵$55
蝦湯濃得像龍蝦湯，加了白胡椒、冰糖等吊味，熬湯用了3小時以上，麵「索」了湯，條條鮮味。
特色喇沙$68
用料豐富，原來除了以秘製湯膽突出星洲風味外，麵上加了一些螄蚶，是風味正宗的要點之一。
巴沙飛餅$35/兩件
跟咖喱汁，還有砂糖，鹹甜隨意，菜牌內的所有菜式都是Wendi一手一腳想出來，招牌的「巴沙」的「巴」是做設計的丈夫所寫，招牌上已見證幸福愛情。
名廚JackyYu：「香港好少打正旗號做星洲菜，巴沙係我食過少有正宗嘅一間，呢度嘅黑胡椒炒蟹、喇沙、蝦麵都好夠地道。」
Wendi愛港式
來港20年，都被香港飲食文化感染，愛上港式麵食。
巴沙新加坡小品（36934448）
地址：中環威靈頓街64-66號裕榮大廈2樓
