奧運開鑼至今，國家隊攞嘅金牌一直領先，相比內地股民失「金」唔少。《中國青年報》報道內地散戶將奧運同股市掛鈎，希望A股學吓國家隊，點學？
奧運同股市掛鈎表
開賽＝開盤
‧股民昅住大市，就好似觀眾睇實比賽。
中國男籃＝人氣股
‧雖然水準一般，勝在被熱捧，內地時興講「有一種精神叫做中國男籃」，快同當年中國女排有得比。
乒乓球隊＝社保基金
社保基金炒股水平之高，幾乎冇蝕過，就好似中國乒乓球隊奪金一樣，絕對保險！
中國女排＝高開低收
‧當年女排N連冠加上上屆奧運表現，令中國女排人氣旺盛，但對古巴同美國嘅表現都係先贏後輸，次次高開低收。
國奧隊＝熊市
‧仲有乜嘢比中國足球隊更熊嘅球隊？就算係中國女足，都已經快十年無緣世界大賽四強。國足？死心吧！
頒獎儀式＝收市
‧收市係一日交易嘅結束，頒獎亦係一項比賽嘅結束。