關心妍和唱片公司老闆羅傑承昨日一同在尖沙嘴出席博愛活動，對於有傳鍾鎮濤（阿B）私下接工作，引起公司不滿，羅傑承表示要先了解，他說：「之前我去咗旅行，又去咗內地睇波，我未得閒，但之後會了解番，睇吓係溝通出現問題，定係真係有人接工作公司唔知，搵日約佢食飯傾，手掌係肉、手背又係肉。」
問到阿B指其公司員工不專業而鬧不快，羅傑承卻說：「你知娛樂圈咁多是非，可能有少少誤會，或者係做吓新聞！」有指以阿B的地位，不用做新聞宣傳，羅傑承即說：「係嘛？睇吓啦！作為藝人，如果真係喺出面接工作唔通知公司，都係問題。」
心妍揶揄翠翠
另外，關心妍最近被指有任職金融界的男友，問到會否如葉翠翠般股神上身賺大錢，她說：「我冇炒喇！做人踏實啲好，而且我都損手指離場。」記者表示其男友未能令她賺錢，她似揶揄葉翠翠說：「炒股要好有知識，要讀吓經濟，唔可以估估吓。」
採訪：王連連
攝影：黃偉雄