盧海鵬在娛圈打滾40年，亞視特別炮製《盧海鵬演藝繽紛40年》特輯，為鵬哥慶祝入行40年。有「扮嘢天王」之稱的鵬哥當然會扭盡六壬，大扮特扮，當中他會演繹已故巨星張國榮、羅文和梅艷芳，重現他們的風采。
由無綫的《歡樂今宵》到亞視的《喜有此理》，盧海鵬最出色的當然是「扮嘢」，不經不覺鵬哥在娛樂圈已經40年，亞視為鵬哥製作個人特輯《盧海鵬演藝繽紛40年》，節目中不可缺少必定是「扮嘢」環節，鵬哥會預先拍攝多個扮演不同歌手的片段，在特輯中播出。
扮張國榮夠騷
盧海鵬昨日在大埔亞視總台嘗試多個歌手造型，除了每次必扮的羅文和徐小鳳外，還有張國榮、梅艷芳、許冠傑、林子祥、郭富城、張學友和盧冠廷等。
有「扮嘢天王」之稱的盧海鵬，扮嘢向來無敵手，各個歌手造型扮相都維肖維妙，在扮演羅文《激光中》造型時，鵬哥身穿透視裝，口中哼着《激光中》歌詞，一舉手一投足就似足籮記（羅文），叫人拍案叫絕。
之後鵬哥再換上一對白色翅膀，一身白色貼身衫，雖然沒戴長假髮，但他走進攝影室時明顯多了一陣騷味，房入面播着張國榮的《無心睡眠》，鵬哥聞歌起舞，眼前就像哥哥再現。
最喜愛扮自己
談到扮嘢，鵬哥說：「扮嘢即係演戲，演戲都係扮嘢。」扮嘢多年，不知鵬哥最喜歡以及覺得扮得最似模似樣是那個藝人？他竟然說：「我都唔知喎，次次都係任人搞，我最鍾意就係扮自己，邊有話鍾意做乜！人哋畀嘢你做你咪做，有乜話鍾意唔鍾意，叫你咪做囉！」講到扮嘢心得，鵬哥說：「出場就表情要夠，做戲就係要識扮嘢嘛！」
採訪：楊潔雯
攝影：仇志德