官恩娜（圖左）同劉浩龍日前到嘉里白鷺湖互動中心出席新城「童心愛自然」活動，同一班大朋友同小朋友一齊宣揚環保訊息。其實官恩娜一向都好支持環保，當日佢同劉浩龍除咗參觀互動中心了解多啲大自然外，佢哋仲同其他人一齊落手落腳整麵包，劉浩龍好鬼馬咁整咗個公仔圖案，官恩娜都唔輸蝕，算係有板有眼囉。