個幾禮拜前，內地網上留傳一篇《阿里巴巴和馬雲：從浙江的驕傲到浙商以此為恥》嘅文章，文中以復星（656）郭廣昌等浙商嘅名義批評阿里巴巴（1688）。據《上海證券報》報道，郭廣昌第一時間話唔關佢事，前日佢仲出嚟話：「馬雲是自己朋友，也是自己非常尊敬的企業家，阿里巴巴取得的成績讓人稱道。」
郭廣昌咁緊張梗有原因，話晒佢係上海市浙江商會會長，有人用浙商嘅名義批評馬雲，做會長梗要第一時間出聲，咪俾人乘機煽風點火，做謠生事。據報道話，呢篇文章嚟自同行一個網站，俾輿論指為幕後黑手，呢個網站當然亦否認啦。
正面啲諗，馬雲同郭廣昌都係大人物，所以先會有人攞佢哋嚟講，呢啲咪叫樹大招風囉！