鄭希怡（Yumiko）前晚錄影《鐵甲無敵獎門人》，主持曾志偉重提當年甩褲走光，令她尷尬儍笑，為免重蹈覆轍，Yumiko自爆穿了兩條褲上陣以策安全。而Yumiko和吳文忻玩遊戲時用腳踩到陳偉霆（William）和劉以達下體，令兩人即場感受到男人最痛。
無綫前晚在將軍澳電視廣播城錄影《鐵甲無敵獎門人》，嘉賓包括鄭希怡、劉以達、吳文忻、MandyLieu、陳偉霆及羅仲謙。當主持曾志偉介紹Yumiko出場時，不忘重提當年她為東華表演空中飛人，被錢嘉樂扯甩褲走光一事，志偉笑說：「你小心跌啲……」在旁的錢嘉樂即出口相助Yumiko說：「汗啫。」志偉繼續揶揄Yumiko：「你知啦，你有好多嘢走出嚟，不過唔怕，嘉樂喺度，不過我覺得仲危險。」Yumiko在旁只露出尷尬笑容。
最怕遇志雲
玩「爆波波」時，志偉仍不放過Yumiko，他問：「如果走光有乜方法補救？」Yumiko回答：「冇得救，搵錢嘉樂求救，着潛水衣，着八條褲或者搵人頂。」之後問Yumiko會否介意？她表示：「上得嚟玩就冇所謂，預咗佢哋會再講。我做足準備功夫，包到實，仲着咗兩條褲。」
輪到吳文忻落場時，志偉問她：「入行最怕遇到乜嘢？」吳文忻竟衝口而出說：「鹹濕佬、唔知乜總理同老細，緋聞、狗仔隊、珍姐（曾勵珍）同陳志雲。」事後記者笑她大膽爆總理，她笑稱：「講吓啫，唔好對號入座。」
William嗌痛
當玩「踩住上」，MandyLieu踩上羅仲謙雙腳時，女方胸部撞正男方面部，羅仲謙硬食女方波餅。兩人轉「人肉呼拉圈」時，羅仲謙左手手指竟插正MandyLieu的股罅，不過女方只顧着玩沒有特別反應。當晚加設新遊戲，吳文忻要用腳為劉以達穿上一條鬆身牛仔褲，到拉褲鏈時，吳文忻踩正劉以達下體，輪到Yumiko幫William着褲時，William慘遭同一命運，事後William笑說：「Yumiko啲腳趾伸咗我下體兩腳，好痛呀！」
採訪：楊潔雯
攝影：陳俊強
