楊采妮喺下月11日以特別嘉賓身份，到韓國首爾出席第二屆忠武路國際電影節，佢話：「好開心可以推動電影事務，將好戲帶畀唔同國家嘅觀眾分享，到時仲會同韓國影迷有個電影分享會，今次揀咗兩部自己有份主演嘅戲分享，就係《梁祝》同《無聲火》。」其實套《梁祝》係10幾年前嘅作品，所以好難搵番原裝菲林片，最後搵契爺徐克幫手至搞掂。