林熙蕾和熊黛林昨日在中環宣傳EsteeLauder精華素，同場有魔術師表演小魔術，羅霖、原子鏸、董敏莉和任葆琳等去到捧場。林熙蕾透露要趕返台灣拍胸圍廣告，她更有一世胸圍贊助，她說：「媽咪、auntie、屋企嘅女性全部都有份用，慳好多。」她又指少女時期常有青春豆煩惱，現時會勤做面膜護膚，早睡早起，她說：「我夜晚10點就瞓，朝早6、7點就起身做運動。」
任葆琳雙眼變大
久未露面的任葆琳漂亮了不少，雙眼比以前圓大，似有加工之嫌，她否認說：「可能我貼假眼睫毛，同埋染咗啡髮。」是否割雙眼皮？她說：「我一向都係咁喎，我咁嘅年紀唔使啦，keep到四、五十歲係咁都唔錯㗎。」對於早前曾傳她懷孕，她笑着否認說：「如果咁計，我都大咗肚兩年。」
採訪：LawWaiMan
攝影：ChanShunChing