今年3月證實患咗末期胰臟癌嘅美國男星柏德烈史域斯（PatrickSwayze），經過多月嘅治療同屋企人嘅鼓勵，健康已見好轉，上個月佢仲投入拍攝新劇《TheBeast》，不過噚日狗仔隊影到佢喺休息期間，肆無忌憚咁食煙，雖然佢幾月前誓神劈願話會戒煙，但個病嘅病情稍為受到控制好番少少，佢就乜都唔記得晒，咁樣對健康真係唔多好。