阿恩在「小城知味」上了兩個月班，有「醒目女」美譽，「做呢份工之前，我喺M字連鎖快餐做過，叫做有工作經驗，所以呢份工好快上手，呢度啲客人都幾好，好好彩我都未被人鬧過，而我經常留意住客人，隨時睇吓佢哋有乜需要，有時客人想加碗筷，佢哋都未開聲，我就閃電拎到佢哋面前，好多人都讚我醒目。唔知係唔係以前食得多漢堡包，發覺呢度啲嘢特別好食，小籠包湯汁多，唔似以前嗰啲包咁亁，而我最鍾意係排骨菜飯，排骨炸得香脆有汁，菜飯亦好好味，可以中和排骨油膩，加上有湯有時菜，有時我放假，都會特登做客人專登喺屋企出嚟食。」做員工又做客，請着阿恩都唔錯，畀番錢公司賺，果然做到嘢。
小城知味（29560888）
地址：尖沙嘴廣東道17號海港城GWG103