女子組合Freeze前晚和師妹羽翹，應網上節目《恐怖在線》邀請到屯門舊咖啡灣，與近200位網友一同BBQ，幾人還拿着紙紮物品研究。早前咖啡灣附近曾發生山泥傾瀉而造成傷亡，現場又播放詭異音樂和放了紙紮公仔和祭品，增添恐怖氣氛。Freeze成員陳樂榣戴上一條有佛教經文的頸鏈，她說：「公司真係大整蠱，𠵱家係農曆7月，媽咪叫我戴，我都信有靈異嘢，其實冇做虧心事唔使驚。」
羽翹則表示小時曾遇到怪事，她說：「其實都係媽咪話我知，佢話我4、5歲時成日對住牆講嘢，又話有個小朋友喺度，跟住我半年內成日發燒，要搵法師做法事先冇事。」問到在現場BBQ有沒有點心驚？她表示幸好現場有很多男性，陽氣重不用擔心。
採訪：何永寧
攝影：黃偉雄