在北京奧運會，美國選手費斯（MichaelPhelps）昨日終圓其奪8金的美夢，打破了水怪史畢茲（Spitz）在1972年慕尼黑奧運會創出的一屆獨取7金紀錄。
劉德華收看了所有費斯的比賽，他大讚說：「好睇、好正，佢嘅表現超越晒自己水準，睇佢咁多場比賽，表現都好好，所有嘢都好似如有神助，佢得獎嘅神態好有大將之風。」
GiGi：佢係一條魚
游泳運動員出身的方力申，昨日當然替費斯高興，他說：「呢個紀錄都等人破好耐，我可以親身喺水立方見證呢一刻，都好開心。」
昨日梁詠琪（GiGi）對於費斯締造奧運歷史，她說：「佢簡直係一條魚，聽講佢以前有過度活躍症，後來佢父母發掘到費斯嘅潛能，送佢學游水，令佢今日成為一位偉大運動員，所以家長們應盡量發掘小朋友嘅潛能。」
為無綫擔任奧運主持的鄭裕玲（嘟嘟），昨日專程到水立方欣賞費斯歷史一刻，她昨日在電話中興奮地說：「現場真係好緊張刺激，我哋個個都睇到拍晒手。」
採訪：葉雪