林峯昨日在將軍澳新都城擔任BridgestoneF1賽車女郎選舉評判，不少fans到場打氣。他日前由馬來西亞返港，在當地和觀眾一同欣賞首輯《溏心風暴》大結局，他說：「開咗40圍夜宴，有鮑片食，之後輪到《家好月圓》上，希望結局時都可以去當地一齊睇。」
早前黎小田批評《溏心風暴之家好月圓》是師奶劇，林峯對此說：「如果係，好多後生仔都變咗師奶啦。套劇係好多元化，笑中有淚，又有喜劇位，娛樂性豐富。」
林峯密密拍劇出埠，問他可會獎勵自己？他說：「本來想換車，但10月出埠拍嘢，之後返嚟先買，同埋都想買樓，𠵱家都儲夠首期。」
「升值能力大」
問林峯可會效法葉翠翠買3,000萬豪宅？他說：「希望儲多啲先啦，今年唔買住，因為樓市都唔係好定，我都想買豪宅，因為升值能力大啲。」
採訪、攝影：羅慧敏