何守信回巢無綫拍處境劇，昔日曾與他合作的老友均大表支持，如當年跟何B一起拍攝劇集《龍虎豹》的石修。
石修昨日在電話中說：「梗係好事啦！觀眾好耐冇見過何守信幕前演出，佢又離開咗TVB咁耐。雖然佢咁耐冇做電視，又唔係拍開劇，但佢做電視經驗豐富，絕對駕輕就熟，冇嘢可以難倒佢。」
石修續說：「講真我都好想見吓佢，當年《龍虎豹》何B做律師，我就做記者，江毅就做小販，如果有機會，我都好想同佢再合作拍劇。」
盼再創高峯
至於跟何B在《歡樂今宵》中合作無間的夏雨昨日也說：「身為老友一定支持佢，雖然佢唔係拍開劇，但佢做嘢一向好穩陣，絕對冇問題，好似關菊英咁，都係好耐冇做，𠵱家咪幾好，希望何B今次復出能夠再創高峯啦。」
採訪：林妃