二人組合農夫嘅成員陸永同C君，噚日去到油塘一間敬老中心探訪近百名公公婆婆，佢哋送上福袋做禮物之餘仲教老人家rap。農夫話好多時睇新聞都見到好多老人家俾人忽視，所以今次探訪就揀咗老人家做對象，佢哋希望他日賺到錢可以出錢又出力幫助老人家。陸永又話自己𠱁老人家有一手，平時對住屋企嘅老人家，會同佢傾偈之餘又會畀錢佢買嘢食。