今屆喺北京搞奧運對好多外國選手嚟講都係一個幾新鮮嘅體驗，因為其實好多外國人對中國文化都好有興趣。奧運村入面就照顧得好周到，專登設立咗一個「中文學習區」，等啲外國選手可以學一啲簡單嘅中文，出到街都可以同人打招呼嘛。不過最受歡迎嘅環節就係幫外國選手起中文名，奧運村發言人鄧亞萍就話，目前已經有350個選手改咗中文名留念喇！