成日都話勝敗乃兵家常事，唔好睇得贏輸咁重要，甚至隨意話輕生咁嚴重囉，我判官咁講無非都係想安撫一下日本柔道隊教練齊藤仁。齊藤仁話要為柔道隊喺京奧僅得內柴正人奪得一金而負上全責，為咗向國民交代呢次柔道隊錄得歷史上最差成績要切腹。我判官非常欣賞齊藤呢份錯要認打要企定嘅態度，不過要以命相抵就好無謂，不如的起心肝重整旗鼓好過啦！